Մեկ բաժակ կակաոն կարող է պաշտպանել յուղալի սննդի բացասական ազդեցությունից սթրեսի ժամանակ.

Նոր հետազոտությունը ցույց է տվել, որ կակաոն կարող է պաշտպանել ձեզ յուղալի սննդի բացասական ազդեցությունից սթրեսի ժամանակ։

Փորձագետները հավաստիացնում են, որ մթերքները, որոնք մարդիկ ընտրում են սթրեսի վիճակում, կարող են ազդել այն բանի վրա, թե ինչպես է այդ լարվածությունն ազդում սրտի առողջության վրա։

Բայց այժմ ոչ մեծ հետազոտությունը ցույց է տվել, որ կակաոյի օգտագործումը (շոկոլադի կարեւոր բաղադրիչ)՝ ֆլավոնոլների բարձր պարունակությամբ, յուղալի սննդի հետ համադրությամբ, կարող է մասամբ մեղմել այդ սննդի ազդեցությունն օրգանիզմի վրա։

Ֆլավոնոլները միացություններ են, որոնք կան որոշ սննդամթերքներում եւ ըմպելիքներում, ինչպիսին են խնձորը եւ թեյը, եւ ընդունված է համարել, որ դրանք ունեն մի շարք օգտակար հատկություններ, այդ թվում օգնում են կարգավորել արյան ճնշումը եւ պաշտպանում են սիրտ-անոթային համակարգը։

Հետազոտության ընթացքում գիտնականները 23 առողջ մեծահասակների նախաճաշին տվել են երկու կրուասան 10 գրամ կարագով, 1,5 շերտ չեդեր պանիր եւ 250 միլիլիտր չզտված կաթ, ինչպես նաեւ կակաոյի ըմպելիք ֆլավոնոլի բարձր պարունակությամբ կամ կակաոյի ըմպելիք ֆլավոնոլի ցածր պարունակությամբ։

Ութ րոպեանոց հանգստից հետո խմբին խնդրել են կատարել մաթեմատիկական թեստ մտքում, որի կատարման արագությունը ավելացել է ութ րոպեի ընթացքում՝ նախազգուշացնելով մասնակիցներին ոչ ճիշտ պատասխանի մասին։

Հանգստի եւ թեստի ժամանակ գիտնականները չափել են արյան հոսքը թիակում, սրտի գործունեությունը եւ թթվածնի մակարդակն օրգանիզմում։ Նրանք հայտնաբերել են, որ սթրեսային առաջադրանքը առաջ է բերել սրտի զարկերի զգալի ավելացում եւ արյան ճնշում, այն սթրեսի նման, որին կարելի է բախվել ամենօրյա կյանքում։

Գիտնականները նաեւ հայտնաբերել են, որ յուղալի սննդի օգտագործումը ցածր պարունակությամբ ֆլավոնոլով ըմպելիքի հետ սթրեսի ժամանակ իջեցնում է արյունատար անոթների ֆունկցիան եւ շարունակվում մինչեւ 90 րոպե սթրեսի ավարտից հետո։

Բայց ֆլավոնոլների բարձր պարունակությամբ կակաոյի ըմպելիքը կանխել է արյունատար անոթների ֆունկցիայի վատթարացումը սթրեսից եւ ճարպերի օգտագործումից հետո, վկայում է հետազոտությունը, որի արդյունքները հրապարակվել են Food And Function ամսագրում։