Վարդան Ղուկասյանի շնորհավորական ուղերձը՝ Երեխաների պաշտպանության միջազգային օրվա առթիվ

Ուղերձ Հունիսի 1-ի՝ Երեխաների պաշտպանության միջազգային օրվա առթիվ
​Սիրելի՛ հայրենակիցներ, հարգարժա՛ն ծնողներ, սիրելի’ բալիկներ,
Ողջունում ու սրտանց շնորհավորում եմ բոլորիդ Երեխաների պաշտպանության միջազգային օրվա առթիվ:
​Հունիսի 1-ը սոսկ տոնական օր չէ, այլ ևս մեկ առիթ՝ վերահաստատելու մեր պատասխանատվությունն ու պարտքը մեր մանուկների հանդեպ: Երեխաները մեր հասարակության ամենանվիրական, ամենաթանկ արժեքն են, մեր տների լույսն ու մեր երկրի վաղվա օրը:
​Մեր գլխավոր առաքելությունն է ստեղծել բոլոր պայմանները, որպեսզի յուրաքանչյուր երեխա մեծանա խաղաղ երկնքի տակ, շրջապատված անսահման սիրով, ջերմությամբ և հոգատարությամբ: Մենք պարտավոր ենք նրանց փոխանցել մեր ազգային ավանդույթները, բարձր արժեքներն ու հավատքը, որպեսզի նրանք մեծանան որպես արժանապատիվ, հայրենասեր ու հաստատակամ քաղաքացիներ:
​Մեր երեխաների ապահով ու բարեկեցի՛կ մանկությունը, նրանց կրթված ու դաստիարակված լինելը մեր հզոր ապագայի գրավականն է: Մենք պետք է անենք ամեն ինչ՝ պաշտպանելու նրանց իրավունքներն ու սուրբ օջախների անդորրը:
​Մեր սիրելի՛ փոքրիկներ, մաղթում եմ ձեզ անհոգ ու երջանիկ մանկություն, առողջություն և կապույտ երկինք: Թող ձեր շուրթերից երբեք չպակասի անմեղ ժպիտը, իսկ ձեր հաջողություններով միշտ հպարտանան ձեր ծնողները։
​Աստված պահապան մեր երեխաներին և բոլորիս ընտանիքներին:
​Հարգանքներով՝ Գյումրու քաղաքապետ
Վարդան Ղուկասյան