Լուկաշենկոն պատմել է, թե ինչպես է <<վազել գարեջրի ետևից>> Նազարբաևի հետ աշխատելու ժամանակ (տեսանյութ)

Բելառուսի նախագահ Ալեքսանդր Լուկաշենկոն «Խաբար» գործակալությանը տված հարցազրույցում պատմել է, թե ինչպես է Ղազախստանի առաջին նախագահ Նուրսուլթան Նազարբաևի հետ աշխատելիս «վազել գարեջրի ետևից»:

«Ես հանդիպել էի մեծերի հետ: Փսլնքոտ, դեռ 40 տարեկան էլ չկայի, երբ նախագահ դարձա, եկա մեծերի մոտ, այնտեղ էին Նուրսուլթան Նազարբաևը (Ղազախստանի առաջին նախագահ), Բորիս Ելցինը (ՌԴ առաջին նախագահ), Իսլամ Քարիմովը (Ուզբեկստանի առաջին նախագահ), Սափարմուրադ Նիյազովը (Թուրքմենստանի առաջին նախագահ): Եվ մենք Տաջիկստանի նախագահ Էմոմալի Ռահմոնի հետ «խակ» ղեկավարներ էինք:  Ինչպես ժողովուրդն է ասում՝ սկզբում վազում էի գարեջրի ետևից»,- անկեղծացել է Բելառուսի նախագահը:

Լուկաշենկոն Նազարբաևի հետ մտերմության հիշողություններով է կիսվել: Նրա խոսքով՝ Ղազախստանի առաջնորդի մեջ նա միշտ էլ տեսել է հարազատ ինչ-որ բան, որովհետև իրենք երկուսն էլ գյուղում են մեծացել:

«Միշտ էլ իրար հետ դու-ով ենք խոսել, կարող էինք զրույցի ժամանակ հայհոյել, շշնջալ մեկս մյուսի ականջին, երբ պետք չէր, որ ինչ-որ մեկը լսեր, թե ինչ էինք մենք խոսում»,- ընդգծել է Բելառուսի նախագահը:

Լուկաշենկոն հավելել է, որ Նազարբաևի հետ իրենք միշտ էլ հասկացել են իրար, և որ ինքը շատ է գնահատում իրենց ընկերությունը:

Տեսանյութում այդ հատվածը կարող եք դիտել 26.40 րոպեից.