Գյումրիում մաքրվում են ջրատար խողովակները, վերականգնվում՝ փողոցները

Գյումրիում մեծ թափով ընթանում են ջրատար խողովակների մաքրման աշխատանքները։ Խողովակաշարի խցանման հետևանքով որոշ հատվածներում ջրի հոսքը խափանվել է, ինչի հետևանքով առաջացել են լճացումներ և փողոցների ողողումներ։ Ներկայում իրականացվում են ինչպես խողովակների մաքրման, այնպես էլ ջրահեռացման համակարգերի վերականգնման աշխատանքներ։

Այս պահին աշխատանքները կենտրոնացած են Սևյան եւ Բուլվարային թաղամասերում՝ «Մայր Հայաստան» հուշարձանին կապող տարածքում ։

Ջրատար խողովակների մաքրման աշխատանքներին զուգահեռ , քաղաքի տարբեր հատվածներում ընթանում են նաև փոսալցման աշխատանքներ։

Փողոցների վերականգնումն իրականացվում է փուլային ձևաչափով՝ ապահովելու համար երթևեկության անվտանգությունն ու բնակիչների հարմարավետությունը։

Համայնքապետարանը կոչ է անում բնակիչներին դիմանալ ժամանակավոր անհարմարություններին՝ ցուցաբերել ըմբռնում և համագործակցել աշխատանքներն իրականացնող ծառայությունների հետ։

Գյումրու համայնքապետարանը անելու է ամեն հնարավորը՝ ապահովելու, որ փոսալցման և բարեկարգման աշխատանքները իրականացվեն ժամանակին ու որակով՝ հանուն քաղաքի և յուրաքանչյուր բնակչի բարեկեցության