Պաշտոնական բացատրություն և արձագանք եմ պահանջում վարչապետից՝ ԼՂ հակամարտությունը փուլային տարբերակով լուծելու ՌԴ արտգործնախարարի հայտարարության մասին. Արմեն Աշոտյան
ՀՀԿ փոխնախագահ Արմեն Աշոտյանը ֆեյսբուքյան իր էջում գրառում է կատարել՝ ադրադառնալով ՌԴ արտգործնախարար Սերգեյ Լավրովի այսօրվա այն հայտարարությանը, թե ԼՂ բանակցային սեղանին է դրված փուլային լուծման տարբերակը:
Արմեն Աշոտյանի գրառումը ներկայացնում ենք ստորև.
«Այս պահին բանակցային սեղանին որևէ փաստաթուղթ չկա»:
ՀՀ վարչապետ Նիկոլ Փաշինյան, հունվարի 25, 2020, Կապան
«Կան նախագծեր, որոնք անցյալ տարվա ապրիլին Մոսկվայում Ռուսաստանի, Հայաստանի ու Ադրբեջանի արտգործնախարարների և համանախագահների մասնակցությամբ հանդիպմանը տրամադրվեցին, և այժմ ակտիվ քննարկվում են»:
ՌԴ ԱԳ նախարար Սերգեյ Լավրով, ապրիլի 21, 2020
Անհապաղ պահանջում եմ պաշտոնական բացատրություն և արձագանք ՀՀ վարչապետի կողմից ՌԴ ԱԳ նախարարի այսօրվա հայտարարությունների առնչությամբ, այդ թվում՝ խնդրի կարգավորման փուլային տարբերակի վերաբերյալ:
Բավ է բոլորին դնեք էշի տեղ:
Այս հարցով հաստատ մի «ահավոր բազար» է հասունանում շուտով: