Ռուսաստանում գաղտնազերծվել են առաջին անգամ մարդու կողմից բաց տիեզերք դուրս գալու մասին փաստաթղթերը

«Ռոսկոսմոս» պետական կորպորացիան գաղտնազերծել է մարդու կողմից առաջին անգամ բաց տիեզերք դուրս գալու ծրագրի իրականացման փաստաթղթերը:

«1965 թվականի մարտի 18-ին տեղի ունեցավ մի իրադարձություն, որը համաշխարհային նշանակություն ուներ քաղաքակրթության տեսանկյունից. աշխարհում առաջին անգամ մարդը լքեց տիեզերանավը և դուրս եկավ բաց տիեզերական տարածություն»,-ասված է «Ռոսկոսմոս»-ի կայքում:

Փաստաթղթերը պարունակում են ստորագրություններ և նշումներ` արված ОКБ-1-ի (այժմ «Էներգիա» հրթիռատիեզերական կորպորացիա) գլխավոր ինժեներ Սերգեյ Կորոլյովի, Պետական հանձնաժողովի նախագահ Գեորգի Տյուլինի, ինչպես նաև ԽՍՀՄ ղեկավարության ու մտավորականության մի շարք այլ ներկայացուցիչների կողմից:

Գաղտնազերծված փաստաթղթերի շարքում է նաև «Վոսխոդ-2» տիեզերանավի հրամանատար Պավել Բելյաևի և տիեզերագնաց Ալեքսեյ Լեոնովի հետթռիչքային զեկույցները, տիեզերանավի մատյանը և շատ այլ նյութեր:

Share This

COMMENTS

Wordpress (0)
Disqus (0 )