Սիբիրից չվող հազվագյուտ թռչունին հայտնաբերել են Մեծ Բրիտանիայում՝ հազարավոր կիլոմետրեր հեռու իր սովորական ճանապարհից
Սիբիրից Հարավային և Հարավարևելյան Ասիա չվող հազվագյուտ սիբիրյան կարմրակոկորդ թռչունին հայտնաբերել են Անգլիայի Քամբրիա շրջանում։ Մասնագետների խոսքով՝ Մեծ Բրիտանիայում այս թռչնի ընդամենը 17 գրանցված դիտարկում կա, որոնցից միայն երկուսն են եղել մայրցամաքային հատվածում։ Ցավոք, թռչունը հայտնաբերվել է սատկած՝ կատվի որս դառնալուց հետո, իսկ մասնագետները նախատեսում են ուսումնասիրել նրա մնացորդները։