Ամազոնի անտառներում գիտնականները հայտնաբերել են կապիկների երկու նոր տեսակ՝ 85 տարվա ընդմիջումից հետո
Միջազգային գիտական խումբը գենետիկական հետազոտությունների միջոցով նկարագրել է ոռնացող կապիկների երկու նոր տեսակ՝ Alouatta iroi և Alouatta matogrossensis։ Նոր տեսակների գիտական նկարագրությունը կարևոր իրադարձություն է, քանի որ այս կենդանիների ցեղի վերջին նոր տեսակն արձանագրվել էր դեռևս 1941 թվականին։ Հետազոտողները նաև պարզել են, որ Ամազոնի խոշոր գետերը միլիոնավոր տարիների ընթացքում բնական սահմաններ են ստեղծել կենդանիների պոպուլյացիաների միջև՝ նպաստելով նոր տեսակների ձևավորմանը, իսկ անտառահատումները վտանգում են դրանց գոյությունը։