Ինչ փոփոխություններ են կարող լինել նախադպրոցական կրթական ծրագրերով
Հանրային քննարկման են ներկայացվել նախադպրոցական կրթական (հիմնական) ծրագրերը հաստատելու մասին ԿԳՄՍ նախարարի հրամանները։ Ըստ նախարարության՝ դրանք բխում են «Նախադպրոցական կրթության մասին» օրենքից և միտված են բովանդակային բարեփոխումների իրավական ամրագրմանը։
Հիմքում է 2021-05-13-ի N 744-Ն որոշմամբ ընդունված չափորոշչի ներդրումը։ 2021-11-16-ի հրամաններով հաստատված ծրագրերի փորձարկումը սկսվել է 2022-2023-ին (սկզբում՝ 60 հաստատությունում) և հաջողությամբ ավարտվել 20252026-ին՝ ընդգրկելով համայնքային ենթակայությամբ բոլոր հաստատությունները։
Մշտադիտարկումներով ու առաջարկներով կատարված էական փոփոխությունները ներառված են լրամշակված ծրագրերում։ Դրանք ապահովում են երեխայի բազմակողմանի զարգացում, 9 առանցքային կարողունակությունների ձևավորում, ակտիվ ուսուցման մեթոդաբանություն։ Իրավական ակտը կապահովի միասնական քաղաքականություն, նորմատիվ կարգավորում և որակի հավասար մակարդակ։