Հունիսի 21-ին՝ ամառային արևադարձ․ Հայաստանում օրը կգերազանցի 15 ժամը
Հունիսի 21-ին Հյուսիսային կիսագնդում տեղի կունենա ամառային արևադարձը, որը համարվում է աստղագիտական ամռան սկիզբը։ Այդ օրը Արեգակը երկնքում զբաղեցնում է իր ամենաբարձր դիրքը, ինչի արդյունքում ցերեկվա տևողությունը հասնում է տարվա առավելագույնին։
Հայաստանում հունիսի 21-ին ցերեկվա տևողությունը կկազմի 15 ժամ 2 րոպե, իսկ գիշերը՝ ընդամենը 8 ժամ 58 րոպե։ Այս պահից հետո օրերը աստիճանաբար կսկսեն կարճանալ, իսկ գիշերները՝ երկարել։
Ամառային արևադարձը բազմաթիվ ժողովուրդների մոտ պատմականորեն համարվել է բնության, լույսի և պտղաբերության խորհրդանիշ և նշվել տարբեր ավանդույթներով ու տոնակատարություններով։