Հակակոռուպցիոն դատարանը հերքում է լուրերը․ խափանման միջոցների միջնորդությունների միայն 10%-ն է մերժվել
Ի պատասխան լրատվամիջոցների կողմից հնչող հարցերի՝ նշենք, որ Հակակոռուպցիոն դատարանը վերջին երկու ամսում Հակակոռուպցիոն կոմիտեի կողմից ստացել է խուզարկության մոտ 400 միջնորդություն, ինչպես նաև՝ խափանման միջոց կիրառելու վերաբերյալ 160-ից ավել միջնորդություն։ Այս մասին տեղեկացնում է Դատական իշխանությունը։
«Խափանման միջոց կիրառելու վերաբերյալ միջնորդությունների մոտ 10%-ն է մերժվել, ինչը նշանակում է, որ մամուլում տարածվող տեղեկատվությունը խափանման միջոց կիրառելու վերաբերյալ միջնորդությունների մեծ մասը դատարանի կողմից մերժելու մասին իրականությանը չեն համապատասխանում։
Միջնորդությունները վերաբերել են ենթադրյալ կաշառք տալ-ստանալուն, ընտրության ժամանակ բարեգործության արգելքը խախտելուն։
Այս պահին դատարանում առկա են միջնորդություններ, որոնք դեռ քննարկման փուլում են»։