<<Նրանք գերել ինձ>>. Քիմ Քարդաշյանը կիսվել է կրտսեր որդու՝ մորաքրոջ և զարմուհու հետ ուրախ լուսանկարներով
Քիմ Քարդաշյանը հրապարակել է իր կրտսեր որդու՝ Փսալմի լուսանկարները, որն իրեն բավականին լավ է պահել մորաքրոջ՝ Քլոեի և զարմուհու՝ Թրուի հետ ժամանակ անցկացնելիս:
Ինչպես գրում է Daily Mail-ը, 5 ամսական Փսալմը խաղում և ուրախանում էր 1 տարեկան Թրուի և նրա մայրիկի՝ Քլոեի հետ: Ընդգծելով ընտանեկան ամուր կապերն ու հոգածությունը միմյանց հանդեպ՝ կոսմետիկ պարագաների նոր կայսրության հիմնադիր Քիմը նշել է, որ լուսանկարներն ուղղակի «գերել են իրեն»:
Քլոեն ևս կիսվել է նույն լուսանկարաշարով՝ «Սա սեր է» կից գրառմամբ:
Keeping Up With The Kardashians իրապատում շոուի աստղեր քույրերը բազմիցս կիսվում են սոցցանցում իրենց ընտանեկան լուսանկարներով, ինչպես նաև պատմում անցյալի և ներկայի իրադարձությունների մասին, որոնք տեղի են ունենում իրենցից որևէ մեկի հետ:
