ՌԴ-ն սահմանափակում է Հայաստանից ծաղիկների ներմուծումը
Ռուսաստանի գյուղատնտեսական վերահսկողության դաշնային ծառայությունը մայիսի 22-ից ժամանակավորապես սահմանափակում է Հայաստանից ծաղկի արտադրանքի ներմուծումը մինչև ջերմոցային տնտեսությունների տեսչական ստուգումների ավարտը և դրանց արդյունքների վերլուծության ամփոփումը․ ասված է գերատեսչության հայտարարության մեջ։
«Չնայած Հայաստանի Սննդամթերքի անվտանգության տեսչական մարմնի ներկայացրած երաշխիքներին՝ ԵԱՏՄ-ի համար կարանտինային օբյեկտների հայտնաբերումը շարունակվում է․ 96,2 միլիոն հատ ծաղկային արտադրանքի ներմուծման ժամանակ հայտնաբերվել է 135 դեպք, ինչը կազմում է ամբողջ 2025 թվականի ընթացքում հայտնաբերված խախտումների ընդհանուր քանակի 77%-ը»,- նշել են «Ռոսսելխոզնադզոր»-ից։