Հունիսի 24-ին, 25-ին, 26-ին և 29-ին գազ չի լինելու

Պլանային աշխատանքների պատճառով հունիսի 24-ին, 25-ին, 26-ին և 29-ին կդադարեցվի գազամատակարարումը Երևանում (Մալաթիա-Սեբաստիա, Նոր Նորք), ինչպես նաև Տավուշի, Լոռու և Արարատի մարզերում։

Ամենաերկար դադարն է հունիսի 24-ին 09:00-ից մինչև հունիսի 25-ը 21:00-ն՝ Տավուշի մի շարք բնակավայրերում, ինչպես նաև Լոռու Շնողում ու Թեղուտում։ Նույն օրը դադարներ կլինեն նաև Երևանում՝ 09:00–21:00 (Մալաթիա-Սեբաստիա) և 09:00–20:00 (Նոր Նորք), Դիլիջանում՝ 10:00–12:00, Կողբի հատվածում և Վարագավանում՝ 10:00–15:00։

Հունիսի 25-ին և 26-ին դադարներ կլինեն Վանաձորում, Ախթալայում, Զորակում, Գետահովիտում, Դսեղում, Կաթնառատում, Վերին Դվինում՝ տարբեր ժամերի։ Հունիսի 29-ին՝ Լերմոնտովոյում 10:00–15:00, Վանաձորի մի շարք փողոցներում 10:00–19:00, Սպիտակում ու հարակից բնակավայրերում 09:00–20:00։