Wildberries-ը նախատեսում ընդլայնվել Հայաստանում

Wildberries-ը Հայաստանում

Wildberries հարթակը Հայաստանում գործում է 2018-ից։ 2021-ին արդեն բացվել են ստացման գործընկերային կետերը, իսկ ուղղակի վաճառքը սկսվել է 2022-ի վերջին՝ երկրում 2500 մ2 տարածքով առաջին բաշխիչ կենտրոնի բացմամբ։

2023-ին Հայաստանում առաջին անգամ հասանելի դարձավ առաքումների ընդունումը Wildberries-ի պատվերների ընդունման կետերում, ինչը տեղական բիզնեսին թույլ տվեց նվազեցնել իր լոգիստիկ ծախսերը և արագացնել պատվերների առաքումը հաճախորդներին։

2023-ի առաջին կիսամյակի վերջի դրությամբ Հայաստանում գործում է Wildberries-ի պատվերների ընդունման ավելի քան 270 կետ (66 սեփական, 206-ը բացվել են երկրի փոքր բիզնեսի հետ համագործակցությամբ): Հայաստանից կա գրեթե 415,000 գնորդ. այս ցուցանիշով Հայաստանը զբաղեցնում է 3-րդ տեղը բոլոր երկրների շարքում, որտեղ գործում է ընկերությունը։

Ինչ վերաբերում է հայաստանյան ձեռնարկատերերին, ապա այսօր գրանցված է 1878 վաճառող, իսկ 2023-ի սկզբից նրանց թիվն աճել է 42%-ով։ Վերջերս Հայաստանից նոր գործընկերների աջակցության ծրագրի շրջանակում հարթակում վաճառողներին գրանցելու երաշխիքային վճարը նվազեցվել է մինչև 50,000 դրամ։ Այս գումարը կարող է անմիջապես օգտագործվել հարթակում ապրանքների գովազդի և առաջմղման համար։

Թոփ 5 ամենահայտնի տեղական ապրանքները

Ըստ ընկերության մամուլի ծառայության՝ տեղական արտադրանքներից այսօր գնորդների շրջանում ամենատարածվածն են՝

  • Սննդամթերք,
  • Կոշիկ,
  • Հագուստ,
  • Ներքնազգեստ,
  • Նորածինների համար հագուստ։
Share This