Wildberries-ը հուլիսի 7-ից բարձրացնում է վաճառողների միջնորդավճարները
Wildberries մարքեթփլեյսը հայտարարել է, որ 2026 թվականի հուլիսի 7-ից բարձրացնում է վաճառողների համար նախատեսված միջնորդավճարները։
Ընկերության պարզաբանմամբ՝ որոշումը պայմանավորված է վառելիքի գների աճով, ինչպես նաև լոգիստիկ ծախսերի թանկացմամբ։ Փոփոխությունները կազդեն հարթակում գործունեություն ծավալող վաճառողների վրա, որոնց համար ծառայությունների արժեքը կբարձրանա։
Ակնկալվում է, որ միջնորդավճարների փոփոխությունը կարող է ազդել նաև որոշ ապրանքների վերջնական գների վրա, քանի որ վաճառողները հաճախ հավելյալ ծախսերը ներառում են ապրանքների արժեքի մեջ։