«ԴՕԿ»-ի ներկայացուցիչները Եռաբլուրում հարգանքի տուրք են մատուցել Վազգեն Սարգսյանի հիշատակին
Այսօր՝ հոկտեմբերի 27-ին, «ԴՕԿ» կուսակցության ներկայացուցիչներն այցելել են «Եռաբլուր» զինվորական պանթեոն՝ հարգանքի տուրք մատուցելու Հայաստանի Հանրապետության ազգային հերոս, սպարապետ Վազգեն Սարգսյանի հիշատակին։
1999 թվականի հոկտեմբերի 27-ի ոճրագործությունը Հայաստանի նորագույն պատմության ամենաողբերգական էջերից է։ Այդ օրը Ազգային ժողովում տեղի ունեցած ահաբեկչության հետևանքով զոհվեցին պետական և քաղաքական գործիչներ, խաթարվեց երկրի բնականոն կյանքը, իսկ հայ ժողովուրդը կրեց ծանր ու անդառնալի կորուստ։
Այցի ընթացքում Վազգեն Սարգսյանի շիրմին ծաղկեպսակ է դրվել կուսակցության պատվավոր նախագահ Վարդան Ղուկասյանի անունից։
Հիշել նշանակում է ոչ միայն խոնարհվել անցյալի առջև, այլև գիտակցել պետականության, ազգային միասնության, պատասխանատվության և օրենքի գերակայության կարևորությունը։
Հիշատակը պարտավորեցնում է։ Պետականությունը պահանջում է պատասխանատվություն։
Հավերժ փառք և խոնարհում հոկտեմբերի 27-ի զոհերի հիշատակին։