Ալաշկերտը հաղթեց ու շրջանցեց Լոռիին, գոլազուրկ խաղ Գյումրիում
ՀՊԼ 7-րդ տուրի հետաձգված խաղում Վանաձորի Ֆուտբոլի ակադեմիայում «Լոռին» նվազագույն հաշվով պարտվեց Երևանի «Ալաշկերտին»:
Առաջին խաղակեսի վերջնամասում «Ալաշկերտին» հաջողվեց բացել հաշիվը: Գոլի հեղինակ դարձավ Նիկիտա Տանկովը:
Մինչև այդ երևանյան թիմը մնացել էր 10 հոգով: 30-րդ րոպեին Դավիդ Դավիդյանը կոպիտ խաղալով մրցակցի ֆուտբոլիստի հետ հեռացվել էր խաղադաշտից:
Այս հաղթանակից հետո «Ալաշկերտը» միավորների քանակը հասցրեց 21-ի և շրջանցելով վանաձորյան թիմին դուրս եկավ 3-րդ տեղ: «Լոռին» ունի 20 միավոր:
Զուգահեռաբար ընթացող՝ 4-րդ տուրից հետաձգված խաղում Գյումրիի «Շիրակը» սեփական հարկի տակ ոչ-ոքի խաղաց Չարենցավանի «Վանի» հետ: