Մոսկվայում գրանցվել են 2018 թ.-ից ի վեր ձյան ամենաերկարատև տեղումները, որոնք կդադարեն 2 օրից
Մոսկվայում գրանցվել են 2018 թվականից ի վեր ամենաերկարատև ձյան տեղումները, որոնք կավարտվեն միայն երկու օրից:
Ինչպես փոխանցում է «Կոմսոմոլսկայա պրավդան», օդերևութաբանների կանխատեսումներով՝ փետրվարի 13-ին ձյան կուտակումների բարձրությունը կարող է հասնել մինչև գոտկատեղ` 67 սմ:
«Առաջիկա 36 ժամվա ընթացքում ձյան ուժեղ տեղումները չեն դադարելու: Սա իսկական ձնաբուք է, ձնային ապոկալիպսիս, սա ուսումնական տագնապ չէ, այլ մարտական»- պարբերականը մեջբերում է «Ֆոբոս» եղանակի տեսության կենտրոնի առաջատար մասնագետին:
Ինչպես օդերևութաբանները նշել են, նման եղանակային պայմաններում տեսանելիությունը կարող է կրճատվել մինչև 500 մետր և ավելի քիչ, իսկ որոշ պահերի ընդհանրապես ոչինչ չի երևա պարզած ձեռքի հեռավորությամբ:
Փետրվարի սկզբից ի վեր ՌԴ մայրաքաքաղաքում ռեկորդային ցուրտ է գրանցվել վերջին 10 տարվա կտրվածքով: Օդի ջերմաստիճանը կազմում է 15-20 աստիճան ցուրտ՝ ըստ Ցելսիուսի սանդղակի: