Ֆասթ բրենդը ֆինանսական ծառայություններ կմատուցի Եվրամիության երկրներում
«Բադալյան եղբայրներ» խմբի Ֆասթ բրենդը ստացել է Մալթայի ֆինանսական ծառայությունների մարմնի EMI լիցենզիա՝ Հայաստանի ֆինանսաբանկային ոլորտում առաջին նախադեպ, որը թույլ է տալիս ծառայություններ մատուցել ԵՄ բոլոր երկրներում։
Վահե Բադալյանի խոսքով՝ սա ԵՄ-ում բանկային լիցենզիա ստանալու գործընթացի առաջին քայլն է և հնարավորություն՝ ընդլայնվել ԵՄ 27 երկրում։ Վարդան Խաչատրյանը նշեց, որ EMI-ն ներառում է հաշիվներ, քարտեր, սթեյբլքոյններ և այլ վճարային ծառայություններ, ընթանում են ներդրումներ ու բանակցություններ SWIFT, SEPA Instant և Visa-ին միանալու համար։
Նախագիծը ձևավորում է ռազմավարական կամուրջ Հայաստանի և Եվրոպական տնտեսական տարածաշրջանի միջև։ Ֆասթ Բանկը վերահսկվում է ՀՀ Կենտրոնական բանկի կողմից։