Պուտինը 80-ամյակի առթիվ շնորհավորել է Ռոքսանա Բաբայանին
Ռուսաստանի նախագահ Վլադիմիր Պուտինը շնորհավորել է հայտնի ռուս երգչուհի, Ռուսաստանի ժողովրդական արտիստ Ռոքսանա Բաբայանին հոբելյանի առթիվ։
Այսօր արտիստուհին դառնում է 80 տարեկան։
Իր շնորհավորական ուղերձում ՌԴ նախագահը նշել է նրա ստեղծագործությունը և «ակտիվ քաղաքացիական դիրքորոշումը»։
«Հայրենական էստրադայի նվիրյալ երկրպագուներն անկեղծորեն սիրում և գնահատում են Ձեզ՝ Ձեր տաղանդի, վառ ու բազմակողմանի ստեղծագործության, արվեստին և Ձեր կոչմանը հավատարմության համար։ Եվ, իհարկե, հատուկ հարգանքի է արժանի Ձեր ակտիվ քաղաքացիական դիրքորոշումը, մեծ հասարակական և բարեգործական գործունեությունը, որին Դուք նվիրում եք Ձեր ուժերն ու եռանդը»,- ասված է Պուտինի շնորհավորական հեռագրում։