Սիրո, համերաշխության ու ամուր արժեքների հիմքում ընտանիքն է․ Ավետիս Առաքելյանի շնորհավորական ուղերձը Ընտանիքի միջազգային օրվա առթիվ
Ինչպես ասվում է «Գևորգ Մարզպետունի» պատմավեպում՝ «Զորավոր է այն ազգը, որն ունի զորավոր ընտանիք»…
Այսօր Ընտանիքի միջազգային օրն է: Մեր պատմության մեծերն ու հերոսները լավագույնս գիտեին, որ հայրենիքի ամրությունն ու պետության հզորությունը սկսվում են հենց սեփական օջախի անսասանությունից, սիրուց ու հանդուրժողականությունից:
Իմ կյանքում ընտանիքը միշտ եղել և մնում է այն անփոխարինելի հենարանը, որն ուժ է տալիս առաջ շարժվելու, արարելու և մեր համայնքի ու հայրենակիցների բարօրության համար աշխատելու: Յուրաքանչյուր ամուր ընտանիք մի անառիկ միջնաբերդ է, որով պայմանավորված է մեր հավաքական ուժը:
🕊️ Սրտանց շնորհավորում եմ բոլորիս Ընտանիքի օրվա առթիվ: Մաղթում եմ, որ ձեր օջախներում միշտ տիրի խաղաղություն, փոխադարձ հարգանք, անսպառ սեր և հայեցի ջերմություն: Թող հաջողությունն ու մանկան խնդությունը երբեք չպակասեն ձեր տներից:
Հարգանքներով՝
Ավետիս Առաքելյան
Գյումրու քաղաքապետի պաշտոնակատար,
«Ուժեղ Հայաստան» դաշինքի պատգամավորության թեկնածու