Չիլիում սառցադաշտից պոկվել է սառցի հսկայական կտոր (վիդեո)

Չիլիի հարավում Բրիգեն սառցադաշտից, որը հայտնի է նաև որպես Պիո XI, պոկվել է սառցի հսկայական կտոր և ընկել օվկիանոսը: ABC News-ը հրապարակել է դեպքի ականատեսների տեսագրությունները:

Բրիգեն սառցադաշտը Հարավային Պատագոնիայի սառցե դաշտի ամենամեծ արևմտյան ճյուղն է, որը հասնում է մոտ 66 կիլոմետր երկարության, ինչը այն դարձնում է Հարավային կիսագնդի ամենաերկար սառցադաշտը՝ Անտարկտիդայից դուրս: Այն ակտիվորեն ուսումնասիրվում է գիտնականների կողմից՝ գլոբալ տաքացման հետ կապված սառույցի չափի և շարժման փոփոխությունները վերահսկելու համար:

Սեպտեմբերի 11-ին, ըստ Արկտիկայի և Անտարկտիկայի հետազոտությունների ինստիտուտի, աշխարհի ամենամեծ A23a սառցաբեկորը 20%-ով փոքրացել է սառցե մեծ կտորի պոկվելուց հետո: Այսբերգը ներկայումս գտնվում է Հարավային Ջորջիա կղզուց մոտ 130 կիլոմետր հյուսիս: Գիտնականները կանխատեսում են, որ սառցաբեկորը կշարժվի դեպի հյուսիս՝ աստիճանաբար քայքայվելով քամու և օվկիանոսային հոսանքների կողմից: