Մասկի կողմից ազատված որոշ պետական ծառայողներ աշխատանքի առաջարկներ են ստացել. Լրատվամիջոց
Իլոն Մասկի կառավարության արդյունավետության դեպարտամենտի (DOGE) ծախսերի կրճատման շրջանակներում ազատված հարյուրավոր ԱՄՆ դաշնային ծառայողներ պաշտոնական աշխատանքի առաջարկներ են ստացել։ Այս մասին հաղորդում է Associated Press-ը՝ հղում անելով Ընդհանուր ծառայությունների վարչության գրությանը։
Ըստ AP-ի՝ առաջարկներ ստացածները մինչև շաբաթվա վերջ ժամանակ ունեն որոշում կայացնելու։ Եթե նրանք համաձայնվեն, ապա սպասվում է, որ նրանք կվերադառնան աշխատանքի հոկտեմբերի 6-ին։
Ըստ BBC-ի՝ որոշ գործակալություններ՝ Ներքին եկամուտների ծառայությունը, Աշխատանքի դեպարտամենտը և Ազգային պարկերի ծառայությունը, նախկինում հայտարարել էին DOGE ծրագրի շրջանակներում ազատված որոշ աշխատակիցների վերականգնման ծրագրերի մասին։
Մասկի DOGE-ն իր երկու ամսվա գործունեության ընթացքում ազատել է հազարավոր պետական ծառայողների, այդ թվում՝ ամբողջությամբ վերացնելով երկու խոշոր գործակալություններ՝ USAID-ը և CFPB-ն։
Սկզբում Մասկը հայտարարեց, որ կրճատումները կխնայեն 2 տրիլիոն դոլար, ապա 1 տրիլիոն դոլար։ DOGE-ի 100-օրյա գործունեությունից հետո հայտարարված խնայողությունները կազմել են 160 միլիարդ դոլար, իսկ այժմ՝ 206 միլիարդ դոլար։
Մասկի գործողությունները զայրացրել են Թրամփի վարչակազմի շատ անդամների։ ԱՄՆ նախագահի և Մասկի միջև հարաբերությունները սառել էին դեռևս մինչև միլիարդատիրոջ պայմանագրի ժամկետի լրանալը՝ 2025 թվականի գարնանը։