ԱՄՆ Կոնգրեսում նախազգուշացրել են լայնածավալ պատերազմի մասին
ԱՄՆ-ը գնում է դեպի միջուկային հակամարտություն՝ կապված Բայդենի որոշման հետ՝ հավանություն տալ Կիևի կողմից Ռուսաստանին ամերիկյան զենքով հարվածելուն, ասել է Օհայո նահանգից ամերիկացի սենատոր Ջեյմս Դևիդ Վենսը «X» սոցիալական ցանցում։
«Ինձ թվում է, որ միջուկային պատերազմի ռիսկն այժմ ավելի մեծ է, քան երբևէ իմ հիշողության մեջ: Բայդենն անմիտ կերպով գնում է դեպի Երրորդ համաշխարհային պատերազմ»,- գրել է նա:
Ավելի վաղ Պետդեպարտամենտի ներկայացուցիչը ՌԻԱ Նովոստիին ասել էր, որ Բայդենը թույլ է տվել Ուկրաինային օգտագործել ամերիկյան զենքը ռուսական տարածքում գտնվող թիրախների դեմ հակամարտկոցային մարտերի համար, որոնք սպառնում են Խարկովի շրջանին:
Ռուսաստանի նախագահ Վլադիմիր Պուտինը հայտարարել է, որ ՆԱՏՕ-ի երկրների ներկայացուցիչները պետք է տեղյակ լինեն, թե «ինչի հետ են խաղում», երբ խոսում են այն ծրագրերի մասին, որոնք թույլ կտան Կիևին խոցել ռուսական տարածքի խորքում՝ Ուկրաինայի Զինված ուժերին Արեւմուտքի փոխանցած հրթիռային համակարգերով։
ՌԴ նախագահի մամուլի քարտուղար Դմիտրի Պեսկովը, մեկնաբանելով Ռուսաստանի տարածքի վրա նոր հարձակումներին Մոսկվայի հնարավոր պատասխանը, հայտարարել է, որ այդ մասին գիտեն պետության ղեկավարն ու զինվորականները, «ովքեր ձեռնարկում են համապատասխան հակաքայլեր և պատրաստվում դրանց»։