Տնտեսական ակտիվության ցուցանիշը 2019թ. հունվար-սեպտեմբերին կազմել է 7.1%, գնաճը՝ 1.6%. Վիճակագրական կոմիտե

ՀՀ վիճակագրական կոմիտեի հրապարակած տվյալների համաձայն՝ 2019թ.-ի սեպտեմբերին 2018թ.-ի սեպտեմբերի համեմատ տնտեսական ակտիվության ցուցանիշն աճել է 7.5%-ով։ Սեպտեմբեր ամսվա տնտեսական ակտիվության ցուցանիշն օգոստոսի համեմատ կազմել է 7.8 %, իսկ հունվար-սեպտեմբերինը 2018թ.-ի հունվար-սեպտեմբերի նկատմամբ՝ 7.1%:

Ըստ Վիճակագրական կոմիտեի՝ արդյունաբերական արտադրանքի ծավալն այս տարվա սեպտեմբերին 2018թ. սեպտեմբերի նկատմամբ աճել է 11%-ով, իսկ նախորդ ամսվա՝ օգոստոսի համեմատ՝ 0.6 %-ով, հունվար-սեպտեմբերինը 2018թ. հունվար-սեպտեմբերի նկատմամբ՝ 9.7%-ով:

Շինարարության ոլորտում աճը 2019թ.-ի սեպտեմբերին 2018թ.-ի սեպտեմբերի համեմատ  կազմել է 4.2%, էլեկտրաէներգիայի արտադրության ծավալներն աճել են 9.3%-ով:

Ըստ Վիճակագրական կոմիտեի` առևտրաշրջանառության ծավալներն աճել են 7.5%-ով,  ծառայություններինը՝ 15.1 %-ով՝ առանց առևտրի:

Ինչ վերաբերում է սպառողական գներին, ապա սեպտեմբերին նախորդ տարվա սեպտեմբերի նկատմամբ աճել են 0.5%-ով, իսկ հունվար-սեպտեմբերինը 2018թ. հունվար-սեպտեմբերի նկատմամբ աճել է 1.6%-ով:

Հանրապետությունում արտաքին առևտրաշրջանառության ոլորտի աճը կազմել է 30.1%,  արտահանումն ավելացել է 33%-ով,  ներմուծումը՝ 28.8 %-ով, հունվար-սեպտեմբերի աճը կազմել է 5.8%:

Վիճակագրական կոմիտեի հրապարակած տվյալների համաձայն՝ սեպտեմբեր-սեպտեմբեր միջին ամսական անվանական աշխատավարձն աճել է 7.4 %-ով, իսկ տարեկան կտրվածքով` 5.9 %-ով, սեպտեմբերին օգոստոսի նկատմամբ միջին ամսական անվանական աշխատավարձը նվազել է 1,4%-ով: