Իրկուտսկում ավելի քան 130 տուն ջրի տակ է անցել

Իրկուտսկի մարզի Նիժնյայա Տունգուսկայում ջրի մակարդակը գերազանցել է սահմանված նորմը։ Այս մասին գրում է «Ինտերֆաքս»-ն ու վկայակոչում Ռուսաստանի արտակարգ իրավիճակների նախարարության տարածաշրջանային գլխավոր վարչությանը։

«Ներկայում Պոդվոլոշինոյում, Տոկմայում և Պրեոբրաժենկայում 134 բնակելի շենքեր, որոնցում ապրում է 270 մարդ, հեղեղված է»,- նշում է աղբյուրը։

Օդանավերի օգնությամբ, ջրհեղեղի տարածքներից տարհանվել է ընդհանուր առմամբ 60 մարդ, այդ թվում՝ 12 երեխա։

«Այսպիսով, Տոկմա գյուղի բնակչությունն ամբողջությամբ տարհանվել է ու տեղավորվել ժամանակավոր կացարաններում։ Մասամբ տարհանվել են Պրեոբրաժենկայի և Էրեմայի բնակիչները»,-նշում է «Ինտերֆաքս»-ը։

Share This