Օգոստոսի 26-ին Արեգակի վրա կարող են տեղի ունենալ ամենաբարձր դասի հզոր բռնկումներ
Ֆեդորովի անվան կիրառական երկրաֆիզիկայի ինստիտուտի կանխատեսմամբ՝ օգոստոսի 26-ին հնարավոր են ամենաբարձր դասի հզոր արեգակնային բռնկումներ։ «Արեգակնային բռնկումների ակտիվությունը չափավորից բարձր է, սպասվում են X դասի բռնկումներ, այդ թվում՝ պրոտոնային բռնկումներ», – նշել են ինստիտուտում։
Ավելի վաղ ինստիտուտը ՏԱՍՍ-ին հայտնել էր, որ օգոստոսի 25-ին Արեգակի վրա գրանցվել է M7.0 դասի 41 րոպե տևողությամբ բռնկում։ Նույն օրը 4513 արեգակնային բծերի խմբում արձանագրվել են ևս երեք M դասի բռնկումներ։