Տեղի է ունեցել Գառնիի ճակատամարտը. պատմության այս օրը (8 օգոստոս)
1225– տեղի է ունեցել Գառնիի ճակատամարտը Զաքարյան Հայաստանի ու Վրաց թագավորության զորքերի և Խորեզմշահերի պետության վերջին տիրակալ Ջալալադնի միջև։ Դաշնակիցները պարտվել են՝ կորցնելով 20000 զինվոր, իսկ շահը գրավել է Դվինն ու Թիֆլիսը և կազմակերպել խաղաղ բնակչության ջարդ։
1992– Ադրբեջանի զինված ուժերը օկուպացրել են հայկական Արծվաշեն գյուղը։ 2004-ին Լեռնային Ղարաբաղում կայացել են ՏԻՄ ընտրություններ, 2006-ին Վլադիմիր Պուտինի հրամանագրով Ամենայն Հայոց Կաթողիկոս Գարեգին Երկրորդը պարգևատրվել է «Բարեկամության» շքանշան, 2023-ին Հայկ Մարությանը հայտարարել է ավագանու ընտրություններին մասնակցելու մասին՝ գլխավորելով «Ազգային առաջընթաց»–ի ցուցակը։