Ռուսաստանը Ուկրաինային առաջարկում է հանդիպում անցկացնել հունիսի 2-ին. Լավրով
Ռուսաստանը Ուկրաինային առաջարկում է հանդիպում անցկացնել հունիսի 2-ին: Այս մասին հայտնել է ՌԴ ԱԳ նախարար Լավրովը: Նրա խոսքով.
Հանդիպման ժամանակ Մեդինսկու գլխավորած ռուսական պատվիրակությունը պատրաստ է Ուկրաինային ներկայացնել Ստամբուլում ուկրաինական ճգնաժամի հաղթահարման վերաբերյալ հուշագիր։
Ռուսական կողմը անհապաղ մշակել է հուշագիր, որում ուրվագծել է իր դիրքորոշումը ուկրաինական ճգնաժամի արմատական պատճառների հուսալի հաղթահարման բոլոր ասպեկտների վերաբերյալ։
«Մենք հույս ունենք, որ բոլորը, ովքեր անկեղծորեն, և ոչ թե խոսքերով, հետաքրքրված են խաղաղության գործընթացի հաջողությամբ, կաջակցեն Ստամբուլում ռուս-ուկրաինական ուղիղ բանակցությունների նոր փուլի անցկացմանը», – ընդգծել է արտգործնախարարության ղեկավարը։
Թուրքիայի արտգործնախարարությունը աջակցել է ռուսական նախաձեռնությանը և հայտնել իր պատրաստակամությունը երկուշաբթի օրը Ստամբուլում հյուրընկալելու Ռուսաստանի և Ուկրաինայի միջև բանակցությունները։