Պիղծ ստեր Աննա Հակոբյանի և «Իմ քայլը» հիմնադրամի մասին
Վերջին օրերին համացանցում կրկին շրջանառվում են Աննա Հակոբյանի և «Իմ քայլը» հիմնադրամի վերաբերյալ մի շարք բացարձակ սուտ, անհիմն և պիղծ բովանդակությամբ պնդումներ։
Մի տեսանյութում պնդում են, թե իբր Թուրքիայի ղեկավարը միլիոնավոր դոլարներ է փոխանցում հիմնադրամին։
Մյուսում՝ իբրև Աննա Հակոբյանը հեռացվել է քաղաքական գործընթացներից՝ կոռուպցիոն հետագիծ ունենալու և վարկանիշի վրա բացասաբար ազդելու պատճառով։
Երրորդում՝ նշում են, թե իբր Աննա Հակոբյանը յուրացրել է հիվանդ երեխաների համար նախատեսված միլիոնավոր դոլարներ, և դրա համար է «կեղծ ամուսնալուծության միջոցով անհետացել» հանրային դաշտից։
Ակնհայտ է, որ այս պատմությունների հեղինակները մեկ ընդհանուր խնդիր են լուծում․ առանց որևէ փաստի, ապացույցի և հիմնավորման՝ տարածում են ապատեղեկատվություն՝ պիղծ ստեր հորինելով Աննա Հակոբյանի մասին։
«Իմ քայլը» հիմնադրամի ֆինանսական գործունեությունն իրականացվում է Հայաստանի Հանրապետության օրենսդրության պահանջներին համապատասխան, իսկ նվիրատվությունների և ծրագրերի վերաբերյալ տեղեկատվությունը հրապարակվում է օրենքով սահմանված կարգով։
Խնդրում ենք հիմնվել հավաստի աղբյուրներում տեղ գտած պաշտոնական հայտարարությունների վրա և չտարածել պիղծ ստերը։