Հնդկաստանում հազարավոր մարդիկ միավորվել են հազար թմբուկի հնչյունների ներքո

Հնդկաստանի Մեղալայա նահանգում նոյեմբերի 11-14-ը անցկացվում է Գարո ժողովրդի ավանդական Վանգալա տոնը, որն այս տարի նշում է իր 50-ամյակը։ Տոնակատարության գլխավոր իրադարձություններից է հազար թմբուկների համատեղ կատարումը, որին նախատեսված է մասնակցել նաև շուրջ 3000 պարող։ Վանգալան բերքահավաքից հետո երախտագիտության տոն է՝ նվիրված Միսի Սալջոնգին, որին Գարո ժողովուրդը կապում է բերրիության և առատ բերքի հետ։ Միջոցառման ընթացքում ներկայացվում են նաև ժողովրդական երգեր, պարեր, ազգային ուտեստներ և ավանդական խաղեր։