ՀՀ Անկախության 35-ամյակը. «Ամբիոն news» լրատվականի տոնական ուղերձը
ՇՆՈՐՀԱՎՈՐԱԿԱՆ ՈՒՂԵՐՁ
Հայաստանի Հանրապետության Անկախության 35-ամյակի առթիվ
Սիրելի՛ հայրենակիցներ, «Ամբիոն news»-ի հարգարժան ընթերցողներ և գործընկերներ,
«Ամբիոն news» լրատվական թիմը ի սրտե շնորհավորում է բոլորիս մեր պետականության ամենանվիրական տոնի՝ Հայաստանի Հանրապետության Անկախության 35-ամյակի առթիվ:
35 տարի առաջ մեր ժողովուրդը կատարեց իր պատմական ընտրությունը՝ վերահաստատելով ինքնիշխան, ազատ ու անկախ ապրելու անսասան կամքը: Անկախությունը միայն պատմական փաստաթուղթ կամ օրացուցային տոն չէ. այն ամենօրյա աշխատանք է, պատասխանատվություն, պայքար և հավատարմություն սեփական հողին ու ինքնությանը:
Որպես ազատ խոսքի և անաչառ տեղեկատվության հարթակ՝ «Ամբիոն news»-ը կարևորում է յուրաքանչյուր քաղաքացու ձայնը, քանի որ ամուր, իրազեկ և միասնական հասարակությունն է ուժեղ պետականության հիմնասյունը:
Այս նշանակալից հոբելյանի առթիվ մաղթում ենք մեր Հայրենիքին անսասան խաղաղություն, հզորացում, տնտեսական ու մշակութային վերելք, իսկ մեր ժողովրդին՝ միասնականություն, լավատեսություն և անսպառ էներգիա՝ ի շահ մեր պետության շենացման:
Թող մեր երկրում միշտ թագավորեն ազատությունը, արդարությունը, և «Ամբիոն news»-ի էկրաններից հնչեն միայն հաղթական ու լուսավոր լուրեր:
Փա՛ռք Հայաստանի Հանրապետությանը:
Հարգանքով՝
«Ամբիոն news» լրատվականի խմբագրակազմ