Կնքված եռակողմ պայմանագիրը քաղաքական մեծ ձեռքբերում էր, ներառեցինք «Զանգեզուրի միջանցքի» հարցը. Ալիև
Եռակողմ հայտարարության ընդունումը, կարծում եմ, մեր մեծ քաղաքական հաջողությունն էր։ Այդ մասին տեղական հեռուստաալիքներին տված հարցազրույցում ասել է Ադրբեջանի նախագահ Իլհամ Ալիևը․
«Ղարաբաղում մեր հաղթանակը մեզ թույլ տվեց եռակողմ պայմանագրում ներառել նույնիսկ այնպիսի պայմաններ, որոնք չէին վերաբերում ընդհանուր հարցին, մասնավորապես՝ կապված «Զանգեզուրի միջանցքի հետ», – ասել է Ադրբեջանի նախագահը:
Ալիևը նշում է, թե մտադիր են «ամբողջությամբ վերականգնել իրենց տարածքային ամբողջականությունն ու ինքնիշխանությունը»։