Իրանի ԱԳ նախարարը և Պակիստանի բանակի հրամանատարը քննարկել են տարածաշրջանային անվտանգության հարցը
Իրանի արտաքին գործերի նախարար Աբաս Արաղչին և Պակիստանի բանակի հրամանատար, ֆելդմարշալ Ասիմ Մունիրը կիրակի օրը հեռախոսազրույցում քննարկել են տարածաշրջանի վերջին զարգացումները և Արևմտյան Ասիայում խաղաղության, կայունության ու անվտանգության ամրապնդման ուղիները, հայտնում է «Mehr»-ը։
Իրանի ԱԳՆ-ի տեղեկացմամբ՝ կողմերը անդրադարձել են տարածաշրջանային անվտանգության մարտահրավերներին և կայունության ամրապնդման հնարավոր ռազմավարություններին։ Այլ մանրամասներ չեն հաղորդվում։
Պակիստանը պատերազմի ընթացքում հանդես էր գալիս որպես Իրանի և ԱՄՆ-ի միջև առանցքային միջնորդ՝ պահպանելով կապերը երկու կողմերի հետ։