«Էռնեստո» փոթորիկը մոլեգնում է Բերմուդյան կղզիներում. հնարավոր են հեղեղումներ
«Էռնեստո» փոթորիկը շաբաթ վաղ առավոտյան մոլեգնում է Բերմուդյան կղզիների փոքր տարածքում (բրիտանական Ատլանտիկա), տեղեկացնում է АР-ը։
Շաբաթ առավոտյան ժամը 6-ին «Էռնեստոն», որը վերաճել է 1-ին կարգի փոթորկի, անցել է Ռիշտիի տարածքով ժամում 140 կիլոմետր առավելագույն արագությամբ։
ԱՄՆ փոթորիկների դեմ պայքարի ազգային կենտրոնը նախազգուշացրել է ուժեղ քամիների, վտանգավոր փոթորկումների եւ մերձափնյա շրջանի հնարավոր հեղեղումների մասին։ Գերատեսչությունում նշել են, որ Բերմուդյան կղզիներում սպասվում են 150-225 միլիմետր տեղումներ։
«Այդ տեղումները, հավանաբար, կհանգեցնեն կյանքի համար վտանգավոր հեղեղումների, հատկապես կղզու ցածրադիր շրջաններում»,- նշվել է հաղորդագրությունում։
Քամին կպահպանվի մինչեւ շաբաթ կեսօր, իսկ մերձարեւադարձային փոթորիկը կշարունակվի կիրակի, տեղեկացրել է կղզու կառավարությունը։
«Էռնեստոն» շարժվում է ժամում 15 կիլոմետր արագությամբ։ Փոթորիկների դեմ պայքարի ազգային կենտրոնը տեղեկացրել է կյանքի համար վտանգավոր ալիքների մասին Միացյալ Նահանգների արեւելյան ափերին եւ նշել, որ օրվա ընթացքում դրանք կհասնեն Կանադա։ Ըստ կանխատեսումների՝ երկուշաբթի երեկոյան «Էտնեստոն» կգտնվի Նյուֆաունդլենդից ոչ հեռու կամ դրանից արեւելք։