Առաջին ձյունն է տեղացել Եկատերինբուրգում
Եկատերինբուրգում առաջին ձյունն է տեղացել, հայտնում է ՌԻԱ Նովոստիի թղթակիցը։ Բնակիչները, հնարավոր է, նկատել են առաջին փաթիլները կիրակի ուշ երեկոյան, իսկ երկուշաբթի առավոտյան ձյունը դեռ չէր հալվել՝ ձևավորելով թեթև շերտ։
Արտակարգ իրավիճակների տարածաշրջանային նախարարությունը նախապես նախազգուշացրել էր երկուշաբթի օրվա եղանակի վատթարացման մասին՝ նշելով, որ Սվերդլովսկի մարզի որոշ շրջաններում սպասվում են ուժեղ անձրևներ ու ձնախառն անձրև, ինչպես նաև հնարավոր է մերկասառույց։
Մարզային պետական ճանապարհային տեսչությունը հորդորել է այն վարորդներին, ովքեր դեռ չեն փոխել անվադողերը ձմեռայինով, խուսափել գիշերային երթևեկությունից։ Ուրալի հիդրոօդերևութաբանական կենտրոնի տվյալներով՝ մարզի արևմտյան և հյուսիսային մասերում կարճատև ձյուն կտեղա, իսկ երեքշաբթի ցիկլոնը կհեռանա, և եղանակը կբարելավվի։