Անանուն զանգից հետո օդանավը հետ է վերադարձել՝ ընդհատելով թռիչքը
Խաբարովսկից Մոսկվա թռւչքն իրականացնող օդանավը հարկադրված է եղել ընդհատել թռիչքն ու հետ վերադառնալ՝ անանուն զանգից հետո։ Այս մասին հայտնում է «Ինտերֆաքս» լրատվական գործակալությունը։
Ըստ հրապարակման, անհայտ անձը հայտնել է, որ օդանավում ռումբ կա տեղադրված։ Այս լուրից հետո օդանավը հետ է վերադարձել Խաբարովսկի օդանավակայան։ Օդանավում եղել է երկու հարյուր մարդ։ Այլ մանրամասներ չեն հաղորդվում։
Նշենք, որ վերջին տարիներին Ռուսաստանում հաճախակի են եղել նման կեղծ ահազանգերը, որոնք ընդհանուր առմամբ խուճապային տրամադրություններ տարածելու միտում են ունեցել։