Փաշինյանն իր աթոռին է կառչած և փորձում է հրահրել, հասարակության մեջ հերթական անգամ ատելություն սերմանել. Արծվիկ Մինասյան
Բոլորը պահանջում են Նիկոլ Փաշինյանի հրաժարականը, որովհետև բոլորն էլ գիտակցում են, որ պարտված, հայրենիք զիջած իշխանությունն ի վիճակի չէ հետայսու պաշտպանել հայրենիքի շահերը: Այս մասին այսօր Երևանում ընթացող «Անհնազանդության երթի» ժամանակ ասաց ՀՅԴ անդամ Արծվիկ Մինասյանը:
Նա հիշեցրեց բոլոր շարժումների, կառույցների անունները, որոնք պահանջում են Նիկոլ Փաշինյանի հրաժարականը:
«Մենք առաջարկում էինք, որ Նիկոլ Փաշինյանն առանց ցնցման հեռանա, որ մեր հայրենակիցներին հնարավորություն տար փրկել իրավիճակը: Նիկոլ Փաշինյանն իր առոթին կառչած ոչ միայն այս քայլին չի գնում, այլև փորձում է հրահրել և հասարակության մեջ հերթական անգամ ատելություն սերմանել»,- ասաց նա:
Հիշեցնենք, որ Նիկոլ Փաշինյանը, ՌԴ նախագահ Վլադիմիր Պուտինը և Ադրբեջանի նախագահ Իլհամ Ալիևը ստորագրել են համաձայնագիր, որով Ադրբեջանին են անցնում Արցախի 7 շրջանները, Շուշին և Հադրութը, ինչպես նաև գյուղեր՝ Ասկերանի ու Մարտունու շրջաններից, ինչպես նաև Մարտակերտի շրջանի Թալիշ և Մատաղիս գյուղերը։ Նիկոլ Փաշինյանի այս որոշումն ու քայլը վրդովվեցրել է քաղաքացիներին։