Մի իրի պատմություն. սենդվիչ

Սենդվիչի պատմությունը ծագում է Ջոն Մոնտգյուի` կոմս Սենդվիչի` խաշած միսը հացի մեջ դնելու գաղափարից: Ըստ էության, այդ իսկ պատճառով այսօր շատ տարածված նման ուտեստը կոչվում է սենդվիչ, չնայած` մենք սովոր ենք այն անվանել բրդուճ:
Գրաֆ Սենդվիչը ապրել է տասնութերորդ դարում և հեռու էր խոհարարական արվեստից։ Նա Մեծ Բրիտանիայում զբաղեցրել է տարբեր պետական պաշտոններ։ Այդ պատճառով Ջոնը հիշվում է ոչ միայն սենդվիչի ստեղծող, այլ` որպես Հյուսիսային Ամերիկայի գաղութատիրության համար պատերազմի մասնակից, որտեղ Բրիտանիան պարտություն էր կրել:
Պատմում են, որ կոմս Սենդվիչը, լինելով չափազանց մոլի մարդ և թղթախաղերի մեծ երկրպագու, խաղի ընթացքում սիրում էր հաց ու եփած միս ուտել։ Այդ ուտելիքը նրան բազմիցս մատուցել է նրա ծառան։ Մյուսները բնութագրում են նրան որպես անհավատալիորեն աշխատասեր մարդու և, սովը հագեցնելու համար, նա աշխատանքից չշեղվելով, իր աշխատասենյակում հացով միս էր ուտում:
Կոմսը սենդվիչներից չի հրաժարվել նույնիսկ կողմնակի անձանց ներկայությամբ։ Ակնհայտ է, որ Սենդվիչը պահանջկոտ չէր ուտելիքի նկատմամբ, դրա համար էլ այդպիսի ուտեստը նրան լիովին բավարարում էր։
Իմիջիայլոց հայտնի է, որ թղթախաղերի հանդեպ մոլուցքի պատճառով կոմսը հաճախ էր միջոցների սուղություն ունենում:

Share This

COMMENTS

Wordpress (0)
Disqus (0 )