Պրոբացիայի շահառուների վերասոցիալականացմանն աջակցելու նպատակով Շիրակի մարզային մարմինը համագործակցության հուշագիր է կնքել

Պրոբացիայի ծառայության Շիրակի մարզային մարմնի և «Արևամանուկ» հոգեսոցիալական աջակցության հիմնադրամի միջև կնքվել է համագործակցության հուշագիր

 

Հուշագրի նպատակն է ամրապնդել կողմերի համագործակցությունը և համատեղ ջանքերով նպաստել պրոբացիայի շահառուների վերասոցիալականացմանը, վերականգնմանը և հասարակությանը վերաինտեգրմանը։

 

Համագործակցության շրջանակում նախատեսվում է՝

 

✔️փոխադարձ հետաքրքրություն ներկայացնող ոլորտներում մասնագիտական քննարկումների, խորհրդակցությունների և կլոր սեղանների կազմակերպում,

✔️պրոբացիայի շահառուների վերասոցիալականացմանն ու վերականգնմանն ուղղված միջոցառումների կազմակերպում և իրականացում՝ նպաստելով օրինապահ վարքագծի դրսևորմանը և հասարակությանը վերաինտեգրմանը,

շահառուների անհատական կարիքներին համապատասխան հոգեբանական և հոգեսոցիալական աջակցության տրամադրում,

✔️անհատական և խմբային հոգեբանական խորհրդատվության իրականացում,

կյանքի, սոցիալական և ծնողական հմտությունների զարգացմանն ուղղված ծրագրերի կազմակերպում,

✔️անհրաժեշտության դեպքում, Ծառայության համաձայնությամբ, շահառուների ուղղորդում համապատասխան ծառայությունների։

 

Կողմերը կարևորում են շահառուների անհատական կարիքների գնահատումը և դրանց համապատասխան աջակցության տրամադրումը։ Այս աշխատանքը միտված է զարգացնելու շահառուների սոցիալական հմտությունները և խթանելու դրական վարքագծային փոփոխությունները։

 

Համագործակցության այս ձևաչափը հնարավորություն կտա համատեղ իրականացնելու հոգեբանական, հոգեսոցիալական և սոցիալական աջակցության ծրագրեր՝ նպաստելով պրոբացիայի շահառուների վերականգնմանն ու սոցիալական ներառմանը։