Երևանում բախվել են հարսանեկան արարողության մեկնող «Mercedes G»-ն ու մեկ մեքենա
Այսօր՝ օգոստոսի 29-ին, ավտովթար է տեղի ունեցել Երևանում. գրում է shamshyan.com-ը։
«Ժամը 11:10-ի սահմաններում Թբիլիսյան խճուղում բախվել են «Mercedes G» և մեկ այլ «Mercedes» մակնիշի ավտոմեքենաները։
Վթարի հետևանքով, ըստ նախնական տեղեկությունների, բարեբախտաբար, տուժածներ չկան։
Ըստ տեղեկությունների՝ «Mercedes G»-ն («Յաշիկ») մեկնում էր հարսանեկան արարողության, երբ տեղի է ունեցել վթարը, իսկ այն մասամբ հայտնվել է հետիոտնի համար նախատեսված մայթին։
Նշված «Mercedes G»-ի հետ մեկ այլ «Mercedes G» էլ էր մեկնում հարսանիքի, որը կրկին Թբիլիսյան խճուղում բախվել էր կայանված «Toyota»-ին»,- նշում է լրատվամիջոցը։