Քաղաքացիները 5 կգ-ից ավելի միրգ, բանջարեղեն կամ սանիտարական որևէ իր չեն կարող երկրից դուրս տանել
Հուլիսի 10-ից արգելվում է Հայաստանից ֆիզիկական անձանց կողմից առևտրային քանակով բուսասանիտարական ենթահսկման բեռների արտահանումը․ հայտնում է Սննդամթերքի անվտանգության տեսչական մարմինը։
«Տեսչական մարմնի հաղորդմամբ՝ ֆիզիկական անձանց կողմից անձնական օգտագործման նպատակով տեղափոխվող բուսասանիտարական ենթահսկման արտադրանքի ընդհանուր քաշը չի կարող գերազանցել 5 կիլոգրամը։
ՍԱՏՄ-ն տնտեսավարողներին և քաղաքացիներին կոչ է անում արտահանման գործընթացը կազմակերպել բացառապես սահմանված պահանջներին համապատասխան՝ նախապես հստակեցնելով արտահանվող արտադրանքի նկատմամբ կիրառվող բուսասանիտարական պահանջները»,- ասված է պետական գերատեսչության հաղորդագրությունում։