ԱՄՆ–Իրան հնարավոր համաձայնագիրը՝ վերջին փուլում․ Սպիտակ տունը սպասում է հայտարարության այսօր
Սպիտակ տունը հույս ունի, որ ԱՄՆ-ի և Իրանի միջև վերջին տարաձայնությունները կլուծվեն առաջիկա ժամերի ընթացքում, և երկու երկրների միջև համաձայնագրի մասին կհայտարարվի այսօր, հաղորդում է Axios-ը՝ հղում անելով անանուն ամերիկացի պաշտոնյայի։
ԱՄՆ նախագահ Դոնալդ Թրամփը ավելի վաղ հայտարարել էր, որ Իրանի հետ համաձայնագիրը մեծ մասամբ ավարտված է, և վերջնական ասպեկտներն ու մանրամասները քննարկվում են, և սպասվում է, որ դրանք շուտով կհայտարարվեն։
«Սպիտակ տունը հույս ունի, որ ԱՄՆ-ի և Իրանի միջև վերջնական տարաձայնությունները կլուծվեն առաջիկա ժամերին, և գործարքի մասին կհայտարարվի կիրակի օրը», – հաղորդել է պորտալը։
Աղբյուրները պորտալին հայտնել են, որ Թրամփը շաբաթ օրը քննարկել է համաձայնագրի նախագիծը մի քանի արաբ առաջնորդների հետ, որոնք աջակցել են դրան։
«Եթե Թրամփի պահանջները իրանական միջուկային ծրագրի վերաբերյալ բավարարվեն, նախագահը պատրաստ է մեծ ջանքեր գործադրել Իրանի հետ հարաբերությունները վերականգնելու համար», – նշել է պորտալը՝ հղում անելով անանուն խորհրդականների։