Իրանի արտաքին գործերի նախարար Աբբաս Արաղչիի ելույթը
Դավոսի Համաշխարհային տնտեսական ֆորումի ղեկավարությունը չեղարկել է Իրանի արտաքին գործերի նախարար Աբբաս Արաղչիի ելույթը:
Պաշտոնական ծրագրի համաձայն՝ նրա ելույթը նախատեսված է եղել հունվարի 20-ի կեսօրից հետո: Կիրակի օրը նրա անունը դեռևս առկա է եղել բանախոսների ցանկում, սակայն երկուշաբթի առավոտյան այն անհետացել է ֆորումի կայքից, հայտնում է TASS-ի թղթակիցը:
Կազմակերպիչները շվեյցարական 20 Minuten թերթին հաստատել են, որ Իրանի ԱԳ նախարարը չի գա Դավոս: Գերատեսչությունից պարզաբանել են, որ Արաղչին միջոցառմանը հրավիրվել էր դեռևս 2025 թվականի աշնանը, սակայն Իրանում բողոքի ցույցերի զոհերի հետ կապված՝ «նպատակահարմար չէ, որպեսզի այս տարի Իրանի կառավարությունը ներկայացված լինի ֆորումում»:
20 Minuten-ի տվյալներով՝ նախատեսվող ելույթի մասին լուրը քննադատության մեծ ալիք է բարձրացրել սոցիալական ցանցերում։
Yerevan.Today ֊ն է փոխանցում