Գյումրիում տոնական տրամադրություն էր տիրում

Կենտրոնական հրապարակում, ինչպես նաև քաղաքային մշակութային հաստատություններում երեխաների համար անցկացվեցին խաղեր, համերգային ծրագրեր, մարզական մրցույթներ ու նկարների ցուցահանդեսներ։ Երեխաներին ողջունեցին հեքիաթային կերպարները, իսկ քաղաքի այգիներում հատուկ պատրաստված տարածքներում փոքրիկները մասնակցում էին ձեռագործության, նկարչության և գունազարդման աշխատանքներին։

Միջոցառումները նպատակ ունեին ոչ միայն ուրախություն պարգևել երեխաներին, այլև ընդգծել նրանց իրավունքների պաշտպանության կարևորությունը։

Տոնի առթիվ Գյումրիի համայնքապետարանը շնորհավորում է բոլոր երեխաներին՝ մաղթելով առողջ ու խաղաղ մանկություն։