Բացահայտվել է արկածախնդրության համար իդեալական տարիքը

42-ը արկածների համար իդեալական տարիք է․ հարցվածների ավելի քան մեկ երրորդը (36%) ասել է, որ տարիքի հետ ավելի արկածախնդիր է դարձել:

Բայց, իհարկե, տարիքը ընդամենը թիվ է, քանի որ հարցվածների մեծամասնությունը (83%) համաձայնել է, որ անկախ նրանից, թե քանի տարեկան եք, միշտ կարող եք արկածներ փնտրել։

«Storyteller Overland»-ի կողմից American Adventures Month-ի պատվերով եւ Talker Research-ի կողմից՝ 2000 ամերիկացիների շրջանում անցկացված հարցումը ցույց է տվել, որ ամերիկացիների մեկ քառորդը (27%) կարծում է, որ խրված է կենցաղի մեջ:

Յուրաքանչյուր չորրորդ ամերիկացին կարծում է, որ իր կյանքը մի փոքր ձանձրալի է, ինչով էլ բացատրվում է այն փաստը, թե ինչու է միջին հարցվողը օրական չորս անգամ երեւակայում է արկածների մասին:

Ավելի քան 60%-ը համաձայնել է, որ հուսահատ են արկածների համար այս տարի, ընդ որում, մեծամասնությունը հայտնում է ամենօրյա այնպիսի հույզերի մասին, ինչպիսին են անհանգստությունը (38%), հոգնածությունը (35%) եւ հիասթափությունը (30%):

Տվյալները նաեւ ցույց են տվել, որ հարցվողները տարիքի հետ ավելի քիչ արկածներ են փնտրում, սակայն նշված արկածների թիվը զգալի է: Baby Boomers-ի, X սերնդի եւ միլլենիալների մեծ մասը հայտնում են տարեկան չորսից հինգ արկածների մասին:

Հարցին, թե ինչպես են նրանք սահմանում արկածը, շատերն այն նկարագրել են որպես իրենց առօրյայից դուրս մի բան եւ փորձ (46%), որը ստիպում է նրանց ավելի գնահատել կյանքը (30%):