ԱՄՆ-ն անցավ Վրաստանի դեմ բացահայտ սպառնալիքների
ԱՄՆ Կոնգրեսը սպառնում է պատժամիջոցներ կիրառել Վրաստանի դեմ:
«Վրաստանում իրավիճակը պարզ է. Իշխանությունը կարող է լսել վրաց ժողովրդի ձայնը կամ մնալ ռուսական ոճի ավտորիտարիզմի մութ ճանապարհին։ Մենք պարզ ենք, որ վերջինիս ընտրությունը կստիպի ԱՄՆ-ին հիմնովին վերանայել մեր հարաբերությունների բնույթը։ Ճիշտ այնպես, ինչպես Կոնգրեսը հաշվի առավ Բելառուսի անկումը դեպի ավտորիտարիզմ և ընդունեց երկկուսակցական Բելառուսի ժողովրդավարության ակտը 2004թ.-ին»,- ասվում է հայտարարության մեջ։
Կոնգրեսականները կոչ են անում Վրաստանի կառավարությանը անհապաղ հետ կանչել «Օտարերկրյա գործակալների» և այլ նախաձեռնությունների մասին օրինագիծը, որոնք «ոտնահարում են վրաց ժողովրդի իրավունքներն ու ազատությունները»: Նրանք հաստատում են, որ պատրաստ են Վրաստանի և ԱՄՆ-ի միջև ռազմավարական գործընկերության վերականգնման շուրջ բանակցություններին։
Եվ սա այն դեպքում, երբ ԱՄՆ-ում գործում է «Օտարերկրյա գործակալների» մասին օրենք, եւ վրացական նույնանուն օրենքը հենց դրա կրկնօրինակն է: Բայց չէ, եթե ԱՄՆ-ին կարելի է, ապա ուրիշների դեպքում դա արդեն նշանակում է հակադեմոկրատիա:
Իրականում պատկերը պարզ է. Վրաստանը փորձում է դուրս գալ ԱՄՆ վերահսկողությունից, որը Թբիլիսիից նույնքան բացահայտ մեկ բան է պահանջում` պատերազմի մեջ մտնել ռուսների դեմ: Վրաստանում պարզ գիտակցում են` դա երկրի համար ոչնչացում է, եւ երբ չեն ուզում մեռնել հանուն ԱՄՆ-ի, ավելի ճիշտ` անգլոսաքսոնական շահերի, բնականաբար, դառնում են հակադեմոկրատ: