Ալիևի ռեժիմը ցանկանում է հարձակվել Հայաստանի վրա, որպեսզի տապալի Փաշինյանի՝ ապրիլի հինգին նախատեսված հանդիպումը․ ԵՄ-ում ՀՀ դեսպան
Ալիևի ռեժիմը և նրա դաշնակիցները ցանկանում են հարձակվել Հայաստանի վրա՝ Փաշինյանի հանդիպումները տապալելու նպատակով։ Այս մասին X-ի իր միկրոբլոգում գրել է Բելգիայում Հայաստանի արտակարգ և լիազոր դեսպան, ԵՄ-ում Հայաստանի մշտական ներկայացուցիչ Տիգրան Բալայանը։
«Զատիկին Ալիևի ռեժիմը և նրա դաշնակիցները ցանկանում են հարձակվել Հայաստանի վրա, որպեսզի տապալեն Նիկոլ Փաշինյանի և պետքարտուղար Բլինկենի և Ուրսուլա ֆոն դեր Լեյենի միջև ապրիլի 5-ին նախատեսված հանդիպումը՝ ուղղված Հայաստանի զարգացմանն ու կայունությանը», – գրել է դեսպանը։