Բրազիլիայի Ռեսիֆե քաղաքում երկնաքեր է այրվում

Բրազիլիայի Ռեսիֆե քաղաքի Տորե թաղամասում հզոր հրդեհը պատել է երկնաքերը։ Այս մասին հայտնում է CNN Brasil-ը։

Անմիջապես դեպքի վայր են ուղարկվել հրշեջ-փրկարարներ։ Մինչ հրդեհը մոլեգնում էր, սկսել է անձրեւ տեղալ, ինչն ազդել է փրկարարների աշխատանքի վրա։

Հրդեհը սկսվել է երկնաքերի տանիքից և տարածվել ներքեւում գտնվող մի քանի հարկերում։

Հնարավոր զոհերի մասին տեղեկություններ չեն հաղորդվում։